龔嘉欣《香港探秘地圖》與孔德賢姊弟戲 "舞蹈隊師姐"緣份

TVB 劇集《香港探秘地圖》6 月 4 日一集，龔嘉欣與孔德賢（Danny）的姊弟溫馨互動，獲網民大讚 Sweet 爆。劇中畢萍（龔嘉欣飾）一直內疚自己當年欺騙細佬畢鳴（孔德賢飾）有 UFO，以致他跌傷腳。畢萍與畢鳴購買新床墊和枕頭被鋪，當畢萍得悉畢鳴近日因下雨風濕發作，即幫他按腳。畢鳴回想小時候畢萍幫其𢱑背脊令他入睡，故再叫畢萍這樣做，畢萍邊幫他𢱑背脊邊說："為咗你，家姐咩都願意做"。龔嘉欣接受訪問對於這位"細佬"有讚無彈："我覺得 Danny 好用心做呢一部戲，我同佢都好有火花，好似大家嗰種鬥嘴係好正，我都好鍾意呢啲姊弟場口。"孔德賢受訪時親爆兩人深厚緣份："我小學同中學都係同佢同一間，佢係我師姐，我記得中學時個禮堂老師貼咗佢張相，我由細到大喺舞蹈隊就望住佢張相跳舞，佢又咁啱係舞蹈隊，所以我覺得我哋好有緣份。"他指不時會請教對方意見，"拍完套劇多咗個家姐真係好開心。"